હોય એ...

હોય નમણી, નાજુક અને લાજવાબ હોય એ...

લાજવાબ શું?  લાજવાબનો પણ જવાબ હોય એ...

હોય સુન્દર સર્જન એ કુદરતનું

જાણે કે નશીલી શરાબ હોય એ...

આંખો ઉઘાડવા છતાં ન તૂટે

તેવો વાસ્તવિક ખ્વાબ હોય એ...

હોય પૂર્ણ-ચાંદ એ પૂનમનો,
કે પછી કોઈ આફતાબ હોય એ...

જેને કહે છે કાતિલ તેવા

હુસ્ન કે શબાબ હોય એ...

હોય ક્યારેક એ ગૂઢ, અકળ, કે 

પછી ક્યારેક બેનકાબ હોય એ....

મારા જનમ-જનમનાં પ્રેમનો

એક મોહક અહેવાલ હોય એ....

જિંદગીભર વાંચવા છતા ન છૂટે

તેવી દિલચસ્પ કિતાબ હોય એ....

હોય એ મલ્લિકા-એ-હુસ્ન અને

પ્રેમની તો જાણે નવાબ હોય એ...

હોય નમણી, નાજુક અને લાજવાબ હોય એ...

લાજવાબ શું?  લાજવાબનો પણ જવાબ હોય એ...

- રોહિત વઢવાણા ( Written on 7/5/1997)